LEX Castrensis sive Militaris

LEX Castrensis sive Militaris

vel. Curiae, dicta est Lex, quam Daniae Reges, praeter Legem Danicam dictam, in Dania, propriam habuêre, pro Aulae suae Ministris, acceptam a Kanuto Magno Rege, Svenonis fil. Dan. Norveg. et Angliae Rege quam ille peculiari libello descripsit, editam a Steph. Stephanio; quamque sub nomine Iuris aulici Norvagici, vernacule et Latine edidit Petrus Delmerus. Witherlogh eam apellant Dani, quasi Witarum s. Iutharum Legem. Vide C. du Fresne in voce Biterlogh, item Lex Danica.